Uchambuzi wa magazeti @CloudsFM umekupita? zipo nyingi zilizoshika headlines kwenye kurasa za magazeti 05 October, kama zilikupita unaweza ukacheki na hizi pia.
Aliyekuwa mwenyekiti wa Chama cha DP Mchungaji Christopher Mtikila ameiaga dunia siku ya jumapili October 4 katika ajali ya gari iliyotokea Chalinze wilaya ya Bagamoyo akiwa anatokea mkoani Njombe kwenye mkutano wa Madiwani na Wabunge, chanzo cha ajali ni mwendokasi.
Mgombea Urais CCM Dk. John Magufuli amewataka viongozi wa mkoa wa Manyara kuwagawia wananchi mashamba yaliorudishwa na Serikali baada ya wawekezaji kushindwa kuyaendeleza kabla hajaingia madarakani, ameahidi pia kujenga barabara pamoja na hospitali Babati… Edward Lowassa ameahidi kuwalipa posho wenyekiti wa vijiji na Serikali za mtaa.
Aliyekuwa kada wa CCM mzee Kingunge amejitoa CCM na kusema kuwa hatojiunga tena na Chama chochote cha Siasa… Rais Jakaya Kikwete amuelezea Rais wa Kenya Uhuru Kenyatta kuwa Chama cha CCM kitashinda Uchaguzi Mkuu October 25 bila wasiwasi wowote.
ACT Wazalendo ni Chama pekee chini ya mfumo wa vyama vingi kinachoongoza kwa kuweka upinzani kwenye vyama vingine vya Siasa.. NEC imewataka wanasiasa na vyama vyao kuwa tayari kuyakubali matokeo ya Uchaguzi Mkuu October 25 na waache kufanya vurugu… NEC imetoa fomu za mfano za kupiga kura zitakazosambazwa kwenye kata zote kwa ajili ya elimu ya awali ya namna ya kupiga kura kwenye Uchaguzi Mkuu.
Rais Kikwete amewateua Wakuu wa Wilaya 13 na kuwahamisha vituo vya kazi wengine 7… Waziri Mkuu Mizengo Pinda amesema hana kinyongo na Dk. John Magufuli kuteuliwa kuwa mgombea Rais kwani anaamini kuwa Mungu ndiye aliyemchagua.
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO‘ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter,FB,Instagram na YouTUBE kwa kubonyeza hapa >>>INSTAGRAM,TWITTER,FB, YOUTUBE
