Mkuu wa Mkoa wa Dar es Salaam Amos Makalla na Benki ya NMB leo February 03,2023 wamekabidhi ticket za ndege kwa Viongozi 12 kwenda Nchini Rwanda ziara ya mafunzo, makabidhino ya tiketi hizo yamefanyika katika Ukumbi wa DMDP Ilala Jijini Dar es Salaam.
RC Makalla ameishukuru Benki ya NMB kwa kuwezesha tiketi za ndege 12 kwa Viongozi watano wa Machinga, watano wa Bodaboda na Wataalamu wawili kwenda na kurudi ziara ya mafunzo Nchini Rwanda.
RC Makalla amesema Viongozi hao wanatarajia kusafiri February 6,2023 na kurejea Dar es Salaam February 10, 2023 “Rais Dkt Samia Suluhu Hassan ametoa maelekezo maalum ya kulea makundi ya Machinga na Bodaboda ambapo ninachokifanya ni kutekeleza maono ya Mhe Rais”
Makalla amewataka Wamachinga na Bodaboda kutumia ziara hiyo kujifunza na kutangaza biashara kwa kuwa Rwanda hutumia Soko la Karikaoo kununua bidhaa mbalimbali ambazo wanakwenda kuziuza kwao.
