September 12 ndio siku ambayo pazia la Ligi Kuu Tanzania bara limefunguliwa kwa michezo kadhaa kupigwa katika viwanja tofauti tofauti, mchezo uliyokuwa umeteka hisia za watu wengi ni mechi kati ya African Sports dhidi ya Simba mechi iliyochezwa katika uwanja wa Mkwakwani Tanga.
Mvuto wa hii mechi unatokana na rekodi ya klabu ya Simba kwa hivi karibuni kutofanya vizuri katika mechi zake za Ligi Kuu alizocheza Tanga katika uwanja wa Mkwakwani. Huku kwa upande wa African Sports ndio wamerudi Ligi Kuu baada ya kushuka miaka kadhaa nyuma hivyo hawakuwa tayari kupoteza mechi yake ya kwanza ya msimu, tena katika uwanja wake wa nyumbani.
Mechi imemalizika kwa klabu ya Simba kuondoka na ushindi wa goli 1-0 goli pekee lilifungwa na mshambuliaji wa kimataifa wa Uganda aliyewahi kuichezea Yanga Hamisi Kiiza, kipindi cha pili. Licha ya kukosa nafasi kadhaa Simba ilifanikiwa kutumia nafasi moja kutoka kwa nahodha wao Musa Mgosi na Kiiza kutia nyavu kwa kichwa.
PAPO KWA PAPO zipate habari zote zinazonifikia za siasa muziki, michezo, maisha, Breaking news na nyingine kwa kujiunga hapa na mimi >>> Twitter Insta FB na nitakua nikikutumia kila ninachokipata pia usisahau kusubscribe YouTube kwa kubonyeza hapa >>>Videos
