Mawaziri wa nchi za Kiarabu na Kiislamu wametoa wito wa kusitishwa kwa mapigano mara moja huko Gaza, wakati ujumbe wao ulipotembelea Beijing katika hatua ya kwanza ya ziara ya kushinikiza kukomeshwa kwa mapigano na kuruhusu misaada ya kibinadamu kuingia katika eneo hilo.
Ujumbe huo, ambao unatazamiwa kukutana na maafisa wanaowakilisha wanachama wa kudumu wa Baraza la Usalama la Umoja wa Mataifa, pia unazidisha shinikizo kwa nchi za Magharibi kukataa uhalali wa Israel wa hatua zake dhidi ya Wapalestina kama kujilinda.
Maafisa hao wanaofanya mikutano na mwanadiplomasia mkuu wa China Wang Yi siku ya Jumatatu wanatoka Saudi Arabia, Jordan, Misri, Indonesia, Palestina na Jumuiya ya Ushirikiano wa Kiislamu, miongoni mwa wengine.
