Mkufunzi wa Chelsea Enzo Maresca anasema klabu hiyo inaweza kusajili mshambuliaji mwingine mpya kabla ya tarehe ya mwisho ya kuhama wiki ijayo.
Klabu hiyo imekuwa ikihusishwa pakubwa na kutaka kumsajili mshambuliaji wa Napoli Victor Osimhen huku timu hiyo ikikosa mfungaji bora anayetambulika. Marc Guiu aliongoza safu Alhamisi usiku kwa ushindi wa 2-0 dhidi ya Servette kwenye Ligi ya Konferensi na akakosa nafasi nzuri ya kufungua akaunti yake kwa kilabu mapema katika kipindi cha pili.
Na alipoulizwa kuhusu baadhi ya mashabiki wa Chelsea wanaodhani klabu hiyo inahitaji kusaini mchezaji namba 9, Maresca alisema: “Kwa sababu ya Marc? Nampenda Marc. Unajua kwanini nampenda Marc? Kwa sababu jinsi anavyofanya kazi usiku wa leo, anafanya vivyo hivyo kila siku, akikimbia nyuma ya kila mtu na hii inastahili nafasi yake.
“Mwishowe, hafungi lakini, kama nilivyosema, ikiwa tutapata [nafasi] ya kuleta No9 ambayo inaweza kutusaidia na kuleta mabadiliko, tutajaribu. Vinginevyo, tuko sawa.
“Hatuhitaji kusajili wachezaji kwa ajili tu [ya] kusajili wachezaji. Ikiwa tutasajili wachezaji ambao watatusaidia kuimarika, kwa hakika tunahitaji wachezaji. Vinginevyo, tunafurahi kwa jinsi tulivyo.”
