Rais wa Jamhuri ya muungano wa Tanzania Samia Suluhu Hassan leo June 15, 2021 akiongea na Vijana kwenye uwanja wa Nyamagana Mwanza amewasimamisha kazi Mkuu wa wilaya na Mkurugenzi kutokana na kutoridhishwa na utendaji kazi wao.
“Juzi niliona pale Morogoro Vijana na Wajasiriamali wadogo wametengewa maeneo mbali na Watu na kwakuwa walikotengewa hawauzi wamerudi maeneo ambayo wameondoshwa na niliona Mgambo wakienda kuwavamia, kuwapiga na kuharibu vitu vyao”- Rais Samia
“Nimesikitika sana na niseme hapa Mkuu wa Wilaya na Mkurugenzi wa eneo hilo hawana kazi, kwasababu kuna njia nzuri zaidi wangeitumia kusema na wale na wakaondoka sio picha ile niliyoiona kwenye TV, nakuagiza Waziri wa TAMISEMI kalisimamie hili”——Rais Samia Suluhu akiongea na Vijana Mwanza leo
