Ni mrembo mwenye umri wa miaka 29 mzaliwa wa Afrika Kusini, Ami Faku ambae kwasasa ndie anaetamba kwenye charts hususani kupitia muziki wao uitwao Amapiano.
Mrembo huyo ni wa muda mrefu lakini amejipatia umaarufu baada ya kusikika kwenye rekodi mbili zilizotayarishwa na Dj Maphorisa & Kabza De Small.
Kabla hajaingia mikononi mwa Kabza na Dj Maphorisa mrembo huyo tayari ameshafanya rekodi kadhaa tu zikiwemo Into Ingawe, Mali na nyinginezo.
Unaambiwa kwasasa nchini Afrika Kusini Ami Faku ameingia kwenye rekodi ya kuwa msanii wa kwanza wa kike anaesikilizwa kwenye charts mbalimbali huku akifuatiwa Sho madjozi, Nia pearl, Bontle Smith, Busiswa, Kamo Mphela, Sha Sha, Nokwazi na wengineo
Inaelezwa rekodi zilizofanya Ami kukaa kwenye charts mbalimbali ni nyimbo mbili zinazotambulika kwa jina la Abalele na Asibe Happy.
Abalele na Asibe Happy ndio rekodi pendwa zilizompa nyota 5 mabegani na kumpatia mashabiki wapya hususani kutokea Tanzania, Uganda, Kenya, Rwanda na sehemu nyinginezo.
Na kama unavyoona hapa Ami ni wa moto kwelikweli namna alivyosikilizwa kwenye hii platform iitwayo Spotify ambapo wameweka rekodi zake.
1.Abalele ni wimbo aliyoshirikishwa na wakali wawili Kabza & Dj Maphorisa unaweza ukabonyeza play kuusikiliza
2.Asibe Happy ni rekodi ya pili inayoendelea kumuweka katika charts mbalimbali unaweza ukabonyeza play kuusikiliza.
Hapa nimekusogezea ushuhudia kwa mara ya kwanza akiziimba live Abalele na Asibe Happy huko nchini Afrika Kusini
