Top Stories

Mtoto afikishwa Mahakamani kwa kumnyonga mtoto wa bosi wake

on

Mtoto wa miaka 15 aliyekuwa akifanya kazi za ndani amefikishwa katika Mahakama ya Hakimu Mkazi Arusha akikabiliwa na shtaka la mauaji ya mtoto mwenye umri wa mwaka mmoja na nusu.

Amefikishwa mahakamani mbele ya Hakimu Mkazi Mkuu wa Mahakama hiyo, Salome Mshasha huku upande wa Jamhuri ukiwakilishwa na Wakili, Blandina Msawa .

Mtoto huyo amesomewa shtaka moja la mauaji ya kukusudia kinyume na sheria katika shauri ambalo halikuwa la wazi kutokana na umri wa mtuhumiwa.

Msawa ameieleza mahakama kuwa Juni 19, 2021 eneo la Olkerian kata ya Olasiti kinyume na sheria alimuua mtoto wa bosi wake kwa kumnyonga shingo na hakutakiwa kujibu chochote kutokana na mahakama hiyo kutokuwa na mamlaka ya kusikiliza kesi hiyo.

Kesi hiyo imeahirishwa hadi  Julai 19, 2021  itakapotajwa tena kutokana na upelelezi wake kutokukamilika huku mtoto huyo akipelekwa gerezani.

HUZUNI MKE NA MTOTO WA TB JOSHUA WAMWAGA MACHOZI WAKIAGA MWILI

Soma na hizi

Tupia Comments