Muigizaji na Muongozaji filamu aliyewahi pia kucheza kama Kapteni Kirk akisafiri hadi anga za mbali katika mtililiko wa filamu za ‘Star Trek’, William Shatner amekua mtu wa kwanza mwenye umri mkubwa zaidi (miaka 90) kufika anga za mbali akitumia roketi ya kampuni ya Blue Origin inayomilikiwa na tajiri namba mbili duniani, Jeff Bezos.
Shatner na watu wengine watatu waliruka mapema Jumatano kwa saa za magharibi na kurejea ardhini. Bezos alishiriki uzinduzi wa safari hiyo na pia ndiye alifungua mlango wa roketi mara baada ya kutua ardhini. Bezos amekua na mpango wa kutengeneza roketi zitakazo tumika kubeba watu kwenda katika anga la mbali, mpango ambao pia umekuwa ukifanywa na tajiri namba moja duniani Elon Musk.
William Shatner amesema “kila mtu ulimwenguni anahitaji kufika na kuiona… Anga la bluu lilikuwa la kushangaza.”
