Mkuu wa Mkoa wa Mwanza Said Mtanda, amesema Mkoa wa Mwanza umepewa heshima kubwa ya kuwa mwenyeji wa Maadhimisho ya kilele cha Mbio za Mwenge wa Uhuru Kitaifa 2024, yatakayo fanyika Uwanja wa CCM Kirumba October 14 ,2024 huku mgeni rasmi katika kilele hicho akiwa ni Rais Dkt. Samia Suluhu Hassan.
Sambamba na hivyo pia Mwanza kwa ujumla wake itakwenda kuwa mwenyeji wa wiki ya Vijana na miaka 25 ya Kumbukizi ya Kifo cha Baba wa Taifa Hayati. Mwalimu Julius Kambarage Nyerere.
Mtanda ameeleza kwa umuhimu wa tukio hilo kubwa, hivyo anawaomba Wananchi wote wa Jiji la Mwanza na mikoa jirani kushiriki tukio hilo la Kihistoria kwani ni miaka 21, imepita tangu kuwahi kufanyika kilele cha Mbio za Mwenge wa Uhuru Mkoani Mwanza mwaka 2003.
Kuhusu Usalama wa Wageni watakao ingia Jijini Mwanza, Mtanda wamewahakikishia kuwa Wakazi wa Mwanza ni wakarimu na wenye hofu ya Mungu, hivyo kwa atakae sahau mali zake Hotelini na Vyombo vya usafiri atazikuta salama.
#MillardAyoUPDATES
