Mwenyekiti wa Klabu ya Simba, Murtaza Mangungu amesema wameamua kuandika barua kuiomba Serikali iwapatie na Uwanja wa Uhuru kwa kuwa wanaamini wataujaza Uwanja wa Mkapa mapema tu.
Mangungu amesema kutokana na hamasa ambayo Wanasimba wanayo anaamini Uwanja wa Mkapa utajazwa mapema hivyo wameomba na Uwanja wa Uhuru ili watumie Viwanja vyote viwili.
Akiongea wakati wa uzinduzi wa hamasa ya Wiki ya Simba katika Uwanja wa Buza Kanisani, Mangungu amesema “Tukio hili la Simba Day wengine wameiga ingawa hawataki kukiri hilo, wameondoa neno Day wameweka Wiki”
