Mzee mmoja wa Kijiji cha Gumba Kata ya Gwata Wilayani Kibaha Mkoani Pwani, Bakari Rashid (61) amefariki kwa kile kinachodaiwa kuwa alipigwa na Askari wa JWTZ akimtuhumu kuiba kuku ambapo kipigo hicho kilipelekea kifo chake.
Ayo TV na millardayo. com zimefika hadi Kijiji cha Gumba na kuzungumza na Ndugu wa Marehemu na Uongozi wa Kijiji ambao wamesimulia mkasa mzima ikiwemo madai ya kwamba Mwanajeshi huyo alimlazimisha Mzee huyo kula saruji wakati akiendelea kumpiga.
Kamanda wa Polisi Mkoa wa Pwani, Wankyo Nyigesa amethibitisha kutokea kwa taarifa hizo na kusema Askari huyo amekamatwa na tayari kesi ipo Mahakamani.
