Shughuli ya kuhesabu kura inaendelea nchini Namibia baada ya uchaguzi ulioonekana kuwa na ushindani mkali zaidi katika miongo kadhaa.
Kulikuwa na misururu mirefu nje ya vituo vya kupigia kura siku nzima ya Jumatano huku vijana wa nchi hiyo wakipiga kura zao kwa rais mpya na bunge.
Upigaji kura ulifungwa saa tisa jioni kwa saa za huko na takwimu za awali zinaonyesha kulikuwa na idadi kubwa ya wapiga kura.
Shirika la Umoja wa Afrika Kusini Magharibi (SWAPO), ambalo limeiongoza Namibia tangu ilipoiongoza nchi hiyo kupata uhuru wake kutoka kwa utawala wa kibaguzi wa Afrika Kusini mwaka 1990, limekabiliwa na uchaguzi mgumu.
Lakini ikiwa itashinda, mgombea wake wa urais, Makamu wa Rais Netumbo Nandi-Ndaitwah, atakuwa kiongozi wa kwanza mwanamke nchini humo.
Hata hivyo katika kuelekea uchaguzi huo, wachambuzi walisema kuna uwezekano mkubwa kuwa SWAPO inaweza kuondolewa madarakani na vijana ambao ni asilimia 64 ya wapiga kura waliojiandikisha.
Wamechoshwa na viwango vya juu vya ukosefu wa ajira, ukosefu wa usawa na madai ya ufisadi, na wanataka mabadiliko.
Ili kuchaguliwa kuwa rais, mgombea lazima apate zaidi ya asilimia 50 ya kura la sivyo kutakuwa na duru ya pili
