Alexei Navalny alilishwa sumu na novichok na Urusi inaficha mwili wake, mjane wake, Yulia Navalnaya, amedai mjane wa mpinzani huyo.
Katika taarifa ya video kuhusu kifo cha mumewe, Bi Navalnaya alishutumu mamlaka ya Urusi kwa kuficha mwili wake, akisema bado walikuwa wakingojea athari za novicok – wakala wa neva – kutoweka kutoka kwa mwili wake.
Pia ameapa kuwataja waliohusika katika kifo chake na kwa nini aliuawa.
“Nataka kuishi katika Urusi huru, nataka kujenga Urusi huru. Nitaendeleza kazi ya Alexei Navalny,” alisema, na kuongeza: “Vladimir Putin alimuua mume wangu.”
Maoni yake yanakuja baada ya msemaji wa Bw Navalny kusema mamake na wakili wake walizuiwa kuuona mwili wake katika chumba cha kuhifadhia maiti asubuhi ya leo.
Ikulu ya Kremlin imekana kuhusika na kifo chake.
