Ukitaja orodhaa ya wasanii kumi kwasasa wanaofanya vizuri kimuziki nchini Nigeria basi hautoacha kumtaja Oxlade ambae kupitia hit iitwayo KULOSA imempatia umaarufu kutokana na uimbaji wake.
Mpaka sasa wimbo huo uitwao KULOSA kupitia mtandao wa Youtube imeweza kutazamwa na watu wasiopungua Milioni 50,113,740.
Sasa habari njema ambayo nimepewa kibali kukujuza ni kwamba Mkali huyo anatarajia kutumbuiza Dar es Salaam katika Arena mpya iliyopo Masaki iitwayo Super Dome.
Super Dome ni ukumbi mpya ambao unaingia kwenye orodhaa ya kumbi kubwa yenye uwezo wa kuingia watu wasiozidi Elfu 3000.
Akizungumza na Millardayo.com & Ayo TV msemaji wa Kampuni I Love Africa Entertaniment..‘Kwanza hii ndio itakuwa ni show ya kwanza hususani kwa msanii wa Nigeria kutumbuiza katika ukumbi ule mkubwa ambao unauwezo wa kuingia takribani watu Elfu 3000″, pili Msanii huyo atotumbuiza pekee yake kwani wapo pia wakitanzania akiwemo Nandy, Marioo na G Nako ambao wataungana nae kutoa burudani”-Msemaji wa Kampuni ya I Love Africa Entertainment
“Show ni Ijumaa hii tarehe 9 ambayo ni sikukuu ambapo kwa Tanzania itakuwa ni siku ya mapumziko hususani watanzania katika kusheherekea siku ya Uhuru wa nchi yetu, hivyo sisi waandaji I Love Africa Entetaiment tukaona si mbaya kufanya tamasha ambalo litaandika historia katika tarehe hii maalum”- Msemaji wa Kampuni ya I Love Africa Entertainment
“Hivyo tunawaomba mashabiki waje tuburudike na Oxlade na wasanii wengine watakaotumbuiza katika usiku huo wa 9th pale Super Dome Arena”- Msemaji wa Kampuni ya I Love za Africa Entartaiment
