Mkurugenzi Mkuu wa Clouds Media Group Joseph Kusaga leo ameeleza kupitia ukurasa wake wa instagram namna alivyokutana na Waziri na Naibu Waziri wa Mifugo na Uvuvi Mkoani Dodoma na kile walichozungumza juu ya kufungua milango na fursa za uwekezaji nchini.
Kupitia kwenye akaunti yake ya instagram ameandika…’Wiki iliyopita, nilipata fursa ya kufanya mazungumzo yenye tija na Waziri wa Mifugo na Uvuvi, Mhe. Abdallah Ulega, pamoja na Naibu Waziri, Mhe. David Silinde, Katibu Mkuu Prof. Riziki Shemdoe na Naibu Katibu Mkuu Dk.Daniel Mushi wakiwa Dodoma.
Mjadala wetu ulijikita katika masuala mbalimbali ikiwa ni pamoja na upatikanaji wa fursa kwenye uwekezaji, kufungua milango kwaajili ya biashara na kujua jinsi ya kusambaza na kujua thamani ya mifugo, uvuvi pamoja na uchumi wa bahari’- Mkurugenzi Mkuu wa CMG Joseph Kusaga
“Napenda kutoa shukurani zangu kwa waziri na timu yake kwa jitihada zao kwenye kuleta mabadiliko na kuchukua muda wao kujadili masuala haya muhimu na mimi.”- Mkurugenzi Mkuu wa CMG Joseph Kusaga
