Kutoka Airport Dar es salaam leo hivi ndivyo ilivyotua ndege ya kwanza ya mizigo aina ya Boeing 767 -300F June 03,2023 itakayokwenda kutatua changamoto za usafirishaji wa mizigo kwa Wafanyabiashara nchini kwa kusafirisha kwa gharama nafuu na kwa urahisi.
Ndege hii ina uwezo wa kubeba tani 54 za mzigo (sawa malori matano na nusu ya tani kumikumi), ina uwezo wa kusafiri kilometa 11,070 za angani bila kutua kuongeza mafuta (sawa na kusafiri muda wa saa 10 bila kutua).
Matanki yake ya mafuta yana uwezo kubeba lita 90,770, mabawa yake yana urefu wa meta 47.6, pia inaweza kwenda mwendokasi wa kilometa 850 kwa saa na ina urefu wa meta 54.9.
