Ni June 17, 2023 ambapo ulifanyika Mkutano na kuwakutanisha Wanawake Wafanyabiashara jijini Dar es salaam ukiongozwa na Bernice Fernandes, Huku ukihudhuliwa pia na wageni waalikwa mbalimbali, Wanawake wamepewa mbinu mbalimbali za kibiashara huku wakisisitizwa kujiamini zaidi na kufanya kazi kwa bidii huku wakitambua kuwa, Hakuna mafanikio wasiyoweza kuyapata ikiwa wamedhamiria kufanikiwa.
Katika tukio hili, Mgeni rasmi Balozi Noluthando Mayende Malele ambae ni Balozi kutoka Afrika Kusini amesisitiza na kuweka mkazo kwenye suala la kujiamini huku akitoa mifano mbalimbali ya wanawake waliofanikiwa kibiashara Duniani kote kutokana na juhudi zao binafsi walizofanya katika maisha yao na ya watu wanao wazunguka.
Hata hivyo Mkutano huo ulitoa fursa kwa wanawake wote waliofanikiwa kufika kujumuika pamoja ikiwa ni njia moja wapo ya wao kuongeza wigo wa watu wanaowahitaji katika maisha yao.
