Mfahamu Vido Vidox ripota wa Habari za Burudani na watu maarufu kutoka Tanzania anayefanya kazi kupitia chombo cha Habari cha mtandaoni (Digital Platforms) cha AyoTV na millardayo.com kilichoanzishwa na kuongozwa na mtangazaji Clouds FM maarufu kama Millard Ayo.
Jina lake kamili ni Victor Kileo (Vido Vidox) ameanza kazi ya Utangazaji baada ya kumaliza masomo yake katika chuo cha Udzungwa alichokuwa akisomea fani ya uwandishi wa Habari na Utangazaji, na baada ya kumaliza masomo alianza kazi radio MOSHI FM inayopatikana mkoa wa Kilimanjaro ambapo alifanya kazi Kwa mwaka mmoja na ndipo baadae akakutana na muanzilishi na msimamizi wa AyoTV TZA Company Ltd, Millard Ayo na ndipo kuanza kufanya naye kazi.
Vido ( Victor ) alijiunga na millard kwenye chombo chake cha Habari 2017 January na kuanza naye kazi akiwa anafanya kazi mbali mbali za kuandika Habari na kuhoji watu maarufu shughuli ambayo mpaka sasa anaifanya akiwa amejipatia umashughuli kutokana na kufahamiana na watu wengi maarufu na hata wale ambao ni wapenzi wa Habari za burudani
Mpaka sasa Vido ameweza kufanya mahojiano na watu wengi maarufu ndani ya Tanzania na hata nje na kufanikiwa kufika kwenye matukio yote makubwa Tanzania na ya nje kama TUZO kubwa za FILAMU za AMVCA zinazotolewa kule Nigeria na matukio mbali mbali ya nchi nyingine ikiwemo Nairobi Kenya, Bunjumbura Burundi, Pretoria South Africa na Maeneo mengine.
Hapa nimekusogezea baadhi ya Mahojiano mbalimbali aliyowahi kufanya na baadhi ya mastaa.
