“Niwaombe Wananchi kuwa Walinzi wazuri wa miundombinu inayojengwa na sio miundombinu tu hata vifaa kama mabehewa, tumeoneshwa mabehewa hapa ya kisasa kabisa, hata kama ni ya ukarabati yamekarabatiwa vizuri yanakuja kutoa huduma”
“Behewa lile tuliloliona pale sio mabehewa yanayotumika sasa hivi, nilishawahi kupanda Treni kwenda Mikoa ya katikati na niliwekwa daraja la kwanza, daraja la kwanza nililolopanda sio hata daraja la tatu la Treni lile, kwahiyo tunapotoka Ndugu zangu ni mbali na lazima tushukuru”
“Wale wanaopenda kufujafuja tu kila kitu wafuje lakini warudi nyuma lakini ukute Mfujaji mwenyewe kazaliwa miaka ya 90 hapa, hajui tulikotoka anajua tulipo, anafananisha kwa Ulaya na Marekani na anataka Tanzania ifike kule bila kujua hata wale anaojifananisha nao wana miaka 200 na kitu ya maendeleo ndio wamefika pale Tanzania tuko mwaka wa 60”
“Tushukuru na niwaahidi kwamba Serikali yenu tutaendelea kufanya mambo mazuri zaidi, nilikuwa nanong’ona ndani kabla sijaja hapa na Katibu Mkuu Kiongozi tunazungumzia haya ya Mabehewa akasema hawa hawajui hayawagusi wamezaliwa Dar wamekulia Dar wapo Dar sisi Waha tunaotoka kule tunajua kitu Serikali wamefanya”
