Rais Joe Biden wa Marekani ameambukizwa virusi vya Covid-19 na ana dalili ambazo sio kali sana, Ikulu ya Marekani ilisema.
Mkuu wa vyombo vya habari, Karine Jean-Pierre, alisema rais wa Marekani alipewa chanjo pamoja na ile ya nyongeza LAKINI Biden, alipimwa na kukutwa na Covid mara mbili hapo awali.
Biden, 81, alionekana mapema Jumatano akiwatembelea wafuasi wa chama chake huko Las Vegas na kuzungumza katika hafla iliyokuwa imeandaliwa. Lakini alifuta hotuba ya kampeni baadaye usiku.
Vyombo vya habari vya Marekani vinaripoti kwamba Kiongozi wa walio Wengi katika Seneti Chuck Schumer na Kiongozi wa walio Wengi katika Bunge Hakeem Jefferies – Wanademokrasia wawili wakuu katika Bunge la Marekani – walikutana na rais Biden kwa faragha na nyakati tofauti na kueleza kwamba kuna wasiwasi mkubwa kuwa mgombea wake anaweza kuathiri vibaya ushindani katika Bunge na Seneti.
Jean-Pierre alisema rais alipanga kujitenga nyumbani kwake huko Delaware huku akitekeleza “majukumu yake yote kikamilifu wakati huo”.
