Rais wa zamani Jimmy Carter, mkulima wa karanga na gavana wa jimbo la Georgia kabla ya kuwa rais, amefariki akiwa na umri wa miaka 100.
“Mtu wa kanuni” kwa mujibu wa Rais wa Marekani anayemaiza muda wake Joe Biden, mtetezi wa “haki za watu walio katika mazingira magumu” kwa mujibu wa Rais wa Ufaransa Emmanuel Macron, Rais wa zamani wa Marekani Jimmy Carter, aliyefariki Jumapili akiwa na umri wa miaka 100, anasifiwa duniani kote kwa kujitolea kwake katika upendeleo wa haki za binadamu
Nchini Marekani, marais wengi wametoa pongezi kwa Jimmy Carter na kazi yake, katika Ikulu ya White House na baadaye kwa kujitolea kwake kwa kazi ya kibinadamu, lakini pia kwa demokrasia.
“Marekani na dunia zimepoteza kiongozi wa ajabu, mwanasiasa na mfadhili wa kibinadamu,” wamesema Rais wa Marekani Joe Biden na mkewe katika taarifa. “Kwa yeyote anayetaka kujua maana ya kuishi maisha yenye kusudi na maana…soma Jimmy Carter, mtu mwenye kanuni, imani na unyenyekevu.”
