Club ya Yanga SC imethibitisha taarifa za kuwasimamisha kwa muda wachezaji wake Dickson Ambundo na Saido Ntibazonkiza kutokana na kutoka kambini na kurejea alfajiri kinyume cha sheria na matakwa ya kambi ya Yanga kuelekea mchezo wao wa nusu fainali ya Kombe la ASFC dhidi ya Simba SC.
“Kuna taarifa kwa sasa zinazagaa mitandaoni kuhusiana na wachezaji Saido pamoja na Dickson Ambundo, kweli wachezaji hao Kocha Nabi ameamua kuwasimamisha kwa wiki hii” >>> Haji Manara
“Baadae akija Dar es Salaam pamoja na Uongozi wataona nini kitakachoendelea ni kweli Saido na mwenzake mara baada ya mechi yetu dhidi ya Biashara waliondoka kambini na kurejea alfajiri, hivyo kitendo hicho kimemfadhaisha kocha na Uongozi wa club ya Yanga kwa ujumla hivyo wameamua kuwasimamisha”>>> Haji Manara
Yanga wapo kambini mjini Shinyanga kwa ajili ya mchezo wao wa nusu fainali ya ASFC dhidi ya Simba SC siku ya Jumamosi ya May 28 2022 katika uwanja wa CCM Kirumba Mwanza.
