Kampuni ya Wentworth Gas Ltd, kupitia Taasisi ya Wentworth Africa Foundation Tanzania imetoa taulo 1,500 zenye thamani ya Shilingi milioni 5 kwa watoto wa shule za Mtwara ikiwa ni sehemu ya mpango wake wa uwajibikaji kwa jamii.
Akizungumza katika hafla hiyo mjini Mtwara, Mkuu wa Mkoa wa Mtwara Kanali. Ahmed Abbas Ahmed aliishukuru kampuni ya Wentworth Gas Ltd kwa msaada wao katika kuhakikisha wasichana wanabaki shuleni.
Meneja Mkazi wa Kampuni ya Wentworth Gas Ltd, Richard Tainton alisema kuwa kama sehemu ya mpango wa uwajibikaji kwa jamii wa Wentworth, wana programu mbalimbali za kusaidia sekta za Afya, Elimu na Mazingira katika eneo hilo.
‘Ninafuraha kuthibitisha kuwa kampuni ya Wentworth Gas kupitia Asasi ya Wentworth Africa Tanzania inaendelea kusaidia jamii ambazo tunafanya kazi kama sehemu ya mpango wetu wa kurudisha kwa jamii. Programu yetu inayoitwa “Keep a Girl in School” unawapa wasichana fursa ya kupata huduma salama na zinazofaa, kama vile vyoo, maji safi, mifumo ya kudhibiti taka na vifaa vya usafi wa hedhi” Meneja Mkazi Wentworth Gas Ltd, Richard Tainton
Wasichana ambao wanaweza kusimamia usafi wao wa hedhi na kubaki shuleni wana uwezekano mkubwa wa kumaliza elimu yao, ambayo inaweza kuwa na manufaa ya muda mrefu ya kiuchumi. Tunaendelea kushirikisha serikali katika ngazi zote ikiwa ni pamoja na jamii zenyewe ili kutambua na kuleta athari popote tunapoweza ili kuboresha maisha ya watu ‘- Meneja Mkazi Wentworth Gas Ltd, Richard Tainton.
-
Wanafunzi Pamoja na wakuu wa shule kutoka shule 6 za msingi mjini Mtwara pamoja na uogozi wa mkoa wa Mtwara wakiwa kwenye hafla ya kusherehekea siku ya kumbukizi ya kuzaliwa Rais wa Jamhuri ya Muugano wa Tanzania DKT. Samia Suluhu Hassan iliyofanyika katika uwanja wa Mashujaa, Mjini Mtwara.
