November 7 2016 mshindi wa tuzo tatu za mchezaji bora wa dunia Ballon d’Or Cristiano Ronaldo ameamua maamuzi ambayo yameondoa dalili na zile tetesi za muda mrefu kuwa inawezekana Ronaldo akarejea Man United.
Ronaldo ameamua kusaini mkataba mpya wa miaka mitano wa kuendelea kuichezea Real Madrid utakaomuweka klabuni hapo hadi 2021, mkataba wa Ronaldo wa sasa utamuwezesha kulipwa kiasi cha pound 365000 ambazo ni zaidi ya Tsh milioni 900 kwa wiki.
Staa huyo mwenye umri wa miaka 31 kwa sasa amesaini mkataba huo na kueleza malengo yake kuwa anataka kucheza soka hadi akiwa na umri wa miaka 41 na anaamini atakuwa kafunga jumla ya magoli mengi katika maisha yake ya soka.
“Leo ni siku muhimu kuongeza mkataba na klabu niipendayo ni kitu muhimu sana kuongeza mkataba wa miaka mitano, lakini naomba ieleweke huu sio mkataba wangu wa mwisho nataka kuweka historia kwa kufunga magoli na kushinda mataji zaidi”
ALL GOALS: Simba vs Toto Africans October 23 2016, Full Time 3-0
