Wizara ya Mambo ya Ndani ya Saudi Arabia ilitangaza Jumatano kwamba raia wawili waliuawa baada ya kupatikana na hatia ya “kulisaliti taifa na kuunga mkono ugaidi.”
Katika taarifa yake, wizara hiyo ilisema “imetekeleza hukumu ya kifo dhidi ya Fahd Bin Saud Bin Hamad Al-Shammari na Sami Bin Khalaf Bin Aqil Al-Mutairi, wote raia wa Saudia.”
Imeongeza kuwa watu hao wawili “wametenda vitendo vya uhalifu sawa na uhaini dhidi ya nchi yao, wamekubali itikadi kali inayoruhusu umwagaji damu na ukiukwaji wa haki, kuunga mkono ugaidi na shughuli za kigaidi, kufichua habari za siri, na kushirikiana na magaidi kutekeleza mashambulio yanayolenga kuyumbisha jamii na usalama wa taifa.”
Wizara hiyo ilieleza kuwa baada ya kufikishwa katika Mashtaka ya Umma, walishtakiwa kwa makosa hayo, na mahakama hiyo maalumu ilitoa uamuzi wa mwisho kuthibitisha hatia yao na kuwahukumu kifo. Baada ya kukata rufaa, uamuzi huo ulikubaliwa na Mahakama ya Juu.
Unyongaji huo ulitekelezwa siku ya Jumatano mjini Riyadh. Wizara hiyo ilisisitiza dhamira yake ya kudumisha usalama na kuhakikisha haki nchini.
