Club ya Simba SC imetangaza kumsajili beki wa Al Hilal ya Sudan Mohammed Ouattara (23) Raia wa Ivory Coast, Ouattara amewahi kucheza vilabu mbalimbali ikiwemo Wydad Casablanca ya Morocco.
Tayari beki Mohammed Ouattara amewasili nchini Misri kwa ajili ya kuungana na wenzake kwa ajili ya maandalizi ya msimu mpya wa mashindano wa msimu wa 2022/2023 katika mji wa Ismaily.
Mohammed Ouattara anakuwa mchezaji wa sita kusajiliwa na Simba SC baada ya Nasorro Kapama kutokea Kagera Sugar, Habib Kiyombo kutokea Mbeya Kwanza, Victor Akpan Raia wa Nigeria kutokea Coastal Union, Augustine Okrah Raia wa Ghana kutokea Bechem na Moses Phiri Raia wa Zambia.
