Inawezekana Kiswahili ikawa ni lugha yako ya kwanza lakini bado kuna vitu vingi tu huvijui au huwa hauvitamki kwa Kiswahili ndio maana leo nimeamua kukutanisha na maana ya maneno machache ambayo tumezoea kuyatamka kwa kiingereza japo tunayaongea kwenye sentensi zenye kiswahili.
Neno LIVE mfano pale unaposema CloudsTV inaonyesha LIVE… kwa Kiswahili LIVE ni PAPO, sasa hivi pia tunazo simu za kisasa ambazo tunaziita Smartphones ila kwa Kiswahili jina lake ni SIKANU……. pia kwenye ile sherehe maarufu kwa jina la Send-off kwa kiswahili ni ‘sherehe ya Mwago‘ kwa sababu Binti ndio anaagwa.
Kuna kitu kinaitwa Kitchen Party ambapo kiswahili chake ni ‘JIKO MTAWAZO‘ yaani mtu anatawazwa kuhusu mambo ya jiko na mambo ya maisha ndio maana mtu akioa Waswahili wanasema umepata Jiko.
Neno jingine la kufahamu kwa leo ni pale unapokuta kitu au bidhaa imekwisha muda wake wa matumizi mfano maziwa au mkate, neno maarufu tunalitumia ni ‘expire‘ ila kwa Kiswahili fasaha unaambiwa ni ‘IMECHOTORA‘
Neno gani kati ya hayo hujawahi kulisikia kabisa? naomba niachie comment yako hapa chini mtu wa nguvu
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO‘ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter, FB, Instagram na YouTUBE wa kubonyeza hapa >>> INSTAGRAM TWITTER FB YOUTUBE
