Katika kuendelea kukuza Sanaa Nchini Katibu mkuu wa Wizara ya Utamaduni Sanaa na Michezo Mhe. Gerson Msigwa Agosti 29, 2024 amezindua rasmi Tamasha la Kimataifa la maendeleo ya Filamu Tanzania.
Akizungumza Mara baada ya uzinduzi huo Msigwa amesema kuwa kupitia Tamasha hilo litaenda kuwaleta Wadau wa Sanaa pamoja na kuwa chachu katika kukuza kazi za Wasanii
Amesema Wizara ya Utamaduni Sanaa na Michezo pamoja na Taasisi zake ipo tayari kushirikiana na Wasanii kutokana na mazingira wezeshi mbayo Serikali imeyaweka.
Kwa upande wake katibu Mtendaji wa Bodi ya Filamu Dkt. Kiagho kilonzo amesema Tamasha hilo litakalo enda kujumuisha wadau wengi litatoa Fursa ya kujadili na kubadilishana uzoefu.
Naye Mratibu wa Tamasha hilo ambaye ni Mkurugenzi wa Taasisi ya (FAGDI) Simon Jacob maarufu kama RADO amesema Tamasha hilo litaenda kuwa la kimkakati kwa Wasanii wengi.
