Shirika la Umeme Tanzania (TANESCO) kwa mara ya kwanza limeanza kupokea moja ya mashine umba(Transforma) kubwa sita yenye uwezo wa megavoti 250 katika kituo cha kupokea na kupoza umeme mkubwacha Chalinze ambapo kati ya mashine umba hizi sita,mashine umba nne zitakuwa zikipokea umeme mkubwawa kilovoti 400 utakaosafirishwa kutoka katika Mradi wa Bwawa la Julius Nyerere (JNHPP) na kuupoza hadi kilovoti 220 na mashine umba mbili ni kwa ajili yakuupoza umeme mkubwa kutoka kilovoti 220 hadikilovoti 132.
Akiongea mara baada ya kupokea mashine umba (Transforma) hiyo Chalinze mkoani Pwani , Mkuu wa Mkoa wa Pwani Mhe. Abubakar Kunenge, amesemakituo cha kupokea na kupoza umeme mkubwa cha Chalinze kitagharimu kiasi cha shilingi bilioni 128 na mpaka sasa ujenzi wa kituo hicho umefikia asilimia 53.13 na unatarajiwa kukamikia ifikapo tarehe 30 Julai 2023 ambapo kituo kitaweza kusafirisha hadi megawati 800 za umeme katika miundombinu ya umeme iliyoposasa hivi.
“Kituo hiki ambacho ndio kinapoza umeme kwa hapa Chalinze kitagharimu shilingi bilioni 128 na ujenzi wake umeshakamilika kwa asilimia 53.13. Leo tumepokea Transfoma kubwa kabisa, ni transfoma ya kwanza ambayo itafungwa hapa kimsingi kituo hiki kitafungwa transfoma sita na Reactors mbili na vifaa vyote vimeshafika katika bandari yetu ya Dar Es Salaam.Matarajio yetu ni kwamba kituo hiki hadi kufikia Julai 2023 mwaka huu kitakuwa kimeshaanza kusafirisha hadi megawati 800 za umeme kupitia miundombinu ya umeme iliyopo, kwa hiyo haya ni mafanikio makubwa watanzania lazima tujivunie kwa sababu umeme ni uchumi, umeme ni uhai, umeme ni maisha na umeme ni maendeleo” amesema Mhe. Kunenge
Aidha Mhe. Kunenge ameeleza kuwa mradi wa umeme wa bwawa la Julius Nyerere utasaidia upatikanaji wa umeme wa uhakika hasa kwa Mkoa wa Pwani ambao utasaidia sana katika kuendeleza ukuaji wa viwanda katika mkoa huo.
“Mkoa wa Pwani umeme kwetu ni jambo kubwa kama ilivyo kwenye maeneo mengine, kwa hiyo kwa kituo hiki kufanya kazi maana yake ni kwamba Bwawa la Julius Nyerere linazalisha umeme wa kilovoti 400 ambao utasafirishwa na kupokelewa hapa na Transifoma hizi zitaupunguza mpaka kilovoti 220 na trasforma nyingine mbili zitauunguza umeme kutoka kilovoti 220 hadi kilovoti 132 ili uweze kutumika katika Gridi yetu na katika mfumo wetu wa umeme maana yake ni kwamba inaleta ahueni kwanza kwa kupatikana umeme mwingi na wa uhakika na wamilikiviwanda wanahitaji umeme wa uhakika kwa hiyo nipende kumshukuru Mheshimiwa Rais kwa kuuendeleza Mradi huu wa Umeme” alishukuru Mhe. Kunenge.
Kwa upande wake Meneja miradi wa Shirika la Umeme Tanzania (TANESCO) Mhandisi Didas Lyamuya ametoa wito kwa wawekezaji kuwekeza na kujenga viwanda vingi Mkoani Pwani kwa sababu kukamilika kwa kituo hiki cha kupokea na kupoza umeme mkubwa cha Chalinze kitawezesha upatikanaji wa umeme wa uhakika katika mkoa huo lakini pia mikoa ya jirani kama Tanga, Arusha, Dodoma na Dar Es Salaam.
“Hiki kituo kinapokea umeme ambao unatoka Julius Nyerere na kufanya umeme wetu unaozalishwa Kinyerezi, Kihansi, Tegeta, Songasi na Ubungo kuja hapa na kuanza kusafirishwa, kwa hiyo wakazi wa Mkoa wa Tanga, Arusha, Dodoma na Dar Es Salaam watanufaika na kituo hiki kwa sababu nyaya zetu na miundombinu yetu ilikuwa imetengana lakini sasa zote zitaanzia hapa, kwa hiyo wananchi na wakazi wa hapa watakuwa na umeme wa kutosha kwa hiyo ni wakati mzuri sasa kwa wawekezaji kuweka viwanda kwa sababu tuna uhakika na umeme wa kutosha” amesema Mhandisi Lyamuya.
Aidha, kituo hiki cha kupokea na kupoza umeme mkubwa cha Chalinze chenye thamani ya shilingi bilioni 128 zinazogharamiwa kwa asilimia 100 na Serikali ya Jamhuri ya Muungano wa Tanzania, kilianza kujengwa mnamo mwaka 2021 na mkandarasi TBEA kutoka China. Aidha, ujenzi wa kituo hiki umefikia asilimia 53.13 na unatarajiwa kukamilika ifikapo tarehe 30 Julai, 2023.
