Watu wawili wamefariki na mmoja kujeruhiwa kwenye ajali ya gari iliyotokea Kibaha Pwani na kuhusisha gari aina ya Toyota IST (ikitokea Mwanza) na lori aina ya Fuso.
Waliofariki ni Mpiga picha wa AyoTV Kanda ya Ziwa Nellyson Brigery na mwingine ni Rafiki aitwae Mujitaba Yusuph huku Mtu wa tatu katika gari ya IST Khamis Abdallah ambae ni Mwandishi wa AyoTV Kanda ya Ziwa akijeruhiwa kwenye ajali hiyo. Ayo TV na millardayo.com inatoa pole kwa Ndugu, Jamaa na Marafiki katika kipindi hiki kigumu cha kuondokewa na Wapendwa wetu hawa.
Kwa muda mfupi ambao Nellyson alikua amejiunga na Ayo TV alionesha uwezo mkubwa, kufanya kazi kwa bidii na nidhamu ya hali ya juu, tutamkumbuka daima kwa ucheshi wake na moyo wake wa kufanya kazi kwa bidii. Kazi yake ya mwisho kupiga picha za video ilikua ni ya Mtoto wa kike wa miaka 9 anaemlea Bibi yake ambae ni Mgonjwa. Bwana ametoa na Bwana ametwa Jina lake lihimidiwe.
