Chama cha Wauguzi Tanzania (TANNA) kimesema kimepokea kwa masikitiko makubwa taarifa ya video iliyosambaa kwenye mitandao ya kijamii tarehe 05 January 2023, na kuzua taharuki kwa jamii ikiwahusisha Watumishi wa Kada ya Afya wawili ambao ni Rose Shirima (Muuguzi Mkunga) na James Getogo Chuchu (Mtekenolojia wa maabara), wote wakitokea Halmashauri ya Wilaya ya Uyui Zahanati ya Ishihimulwa Mkoani Tabora.
Kufuatia tuhuma hizo Chama hicho kwa kushirikiana na Viongozi wa tawi la Tabora walifanya uchunguzi ili kujiridhisha na uhalisia wa tukio hilo ambapo Chama kimewatoa hofu Wananchi hasa wanaopata huduma za afya katika Zahanati hiyo kuwa hakuna vitendanishi vyovyote vilivyoisha muda wake ambavyo vilikuwa vinatumika katika kituo hicho kama ilivyokuwa inaelezwa na Mtekinolojia wa Maabara katika video iliyosambaa na hata kusababisha taharuki nchini.
