Ujerumani imeanzisha mfumo mpya wa visa unaoitwa “Kadi ya Fursa,” ambao mtu yeyote ambaye ana angalau miaka miwili ya mafunzo ya ufundi stadi, na ana shahada ya chuo kikuu inayotambuliwa katika nchi ambayo ilipata, na ana ujuzi wa lugha ya Kijerumani na Kiingereza anaweza kutuma maombi ya visa mpya hiyo mpya na kupatiwa.
Mfumo wa pointi utatumika kubainisha kustahiki kwa mwombaji kwa mpango kulingana na umri wao, mahusiano ya Kijerumani, uzoefu wa kitaaluma na ujuzi wa lugha. Kadi inaweza kupatikana tu na kiwango cha chini cha pointi sita.
Kadi itamruhusu mwombaji kuingia Ujerumani na kutafuta kazi kwa muda usiozidi mwaka mmoja.
Washiriki katika mpango wanaruhusiwa kufanya kazi hadi saa 20 kwa wiki katika nafasi za majaribio au za muda katika kipindi hicho.
Chini ya mpango huo, raia wasio wa Umoja wa Ulaya wanaotaka kufanya kazi nchini Ujerumani hawatahitaji tena kuonyesha uthibitisho wa mkataba na mwajiri wa Ujerumani ili kuruhusiwa kuingia.
Mpango mpya wa visa ni sehemu ya kifurushi cha sheria ambacho kinalenga kutatua uhaba mkubwa wa Ujerumani wa wafanyikazi wenye ujuzi.
