Kiongozi wa upinzani nchini Kenya Raila Odinga ameitisha maandamano Nchi nzima dhidi ya Rais William Ruto na Serikali yake ambapo amesema maandamano hayo yanatokana na kupinga kupanda kwa gharama ya maisha na kile anachokiita Urais haramu wa Ruto.
Rais William Ruto amesema haoni sababu ya maandamano hayo na amemshutumu Odinga kwa kuisababishia Nchi kwa ghasia na machafuko.
Waandamanji hao walipanga kukusanyika katika ukumbi wa KICC kisha baadaye waandamane hadi Ikulu lakini Jeshi la Polisi Kenya limezuia maandamano hayo kwa kuwatawanya Waandamanaji kwa mabomu ya machozi, Barabara zinazoelekea Ikulu zimefungwa na baadhi ya Vijana waliofika kuandamana wamekamatwa.
Maandamano haya hayajapanga kufanyika Kenya pekee bali pia Afrika Kusini, Nigeria na Tunisia, pia Chama cha Ruto kimepanga kuandamana kupinga maandamano ya Raila.
