Ikiwa zimesalia siku chache Nchini Tanzania kufanyika kwa uchaguzi wa serikali za mitaa hamasa kwa vijana imezidi kushamiri kushiriki uchaguzi huo huku wakiaswa kuwa mstari wa mbele tarehe 27/11/2024 siku ya uchaguzi ili kuwachagua viongozi watakao waletea maendeleo.
Akizungunza na vijana wa Kata ya Ugenza Wilayani Mufindi katika fainali za mchezo wa mpira wa miguu mgeni wa heshma katika mchezo huo ambaye pia ni Mwanahabari Nchini Ndg.Shalom Robert amewaasa vijana kushiriki kikamilifu katika uchaguzi huo ili kuwaweka madarakani viongozi watakao waletea maendeleo kwa kipindi cha miaka 5 ijayo.
Aidha amewataka vijana hao kukemea vikali vitendo ovu ikiwemo ubakaji na ulawiti sanjari na kumuunga Mkono RAIS wa Tanzania kwa kazi anazozifanya huku akisisitiza kudumisha amani na upendo kwa Taifa lao.
Hitimisho la mchezo huo wa mpira wa miguu limehitimishwa katika Kata ya Ikweha Wilayani Mufindi ambapo mshindi wa kwanza ameondoka na Mbuzi,huku mshindi wa pili akiondoka na kitita cha shilingi Elfu 50 na mshindi wa tatu akipata Elfu 25.
