Tovuti ya habari ya Kiebrania, Walla, ilisema mwishoni mwa Ijumaa kwamba wanajeshi 4,000 wa Israel wamepata ulemavu tangu kuanza kwa vita dhidi ya Ukanda wa Gaza mwezi Oktoba, huku makadirio yakionyesha kwamba idadi hiyo inaweza kuongezeka hadi 30,000.
“Nchi inajiandaa kupokea idadi kubwa ya wanajeshi wa Israel walemavu, na baada ya siku 100 za vita, karibu wanajeshi 4,000 tayari wametambuliwa kuwa na ulemavu,” ilisema.
Tovuti hiyo ilizingatia shambulio la Hamas mnamo Oktoba 7 kama “lililoiongoza Israel kwenye vita ambayo haikuwa imepitia hapo awali kuhusu idadi ya wanajeshi waliojeruhiwa, lakini muhimu zaidi, majeraha ni makubwa mno.”
Tovuti hiyo iliongeza kuwa jeshi la Israel “halitoi data zote kuhusu waliojeruhiwa kwa umma, kwa hofu kwamba itapunguza ari ya watu.”
“Hivi sasa, takriban wanajeshi 4,000 (wenye ulemavu) wametambuliwa kwa mujibu wa uainishaji wa 3, ikimaanisha kuwa wanastahiki matibabu na haki zote anazopata mlemavu katika jeshi la Israel bila kutambuliwa rasmi kwa njia hii,” alisema Walla.
Ilibainisha kuwa mishahara inalipwa kwa askari waliojeruhiwa na matibabu yao bila ya haja ya kuthibitisha chochote na kwamba mchakato wa ukarabati “utaanza hivi karibuni ili kuwajumuisha tena katika maisha.”
