Kiongozi wa Wakatoliki duniaini amesema vita vyote vitashindwa na kwamba watengenezaji silaha pekee ndio wanaofaidika kutokana na vita.
Akihutubia umati wa watu waliokusanyika katika uwanja wa Mtakatifu Petro, Papa Francis amesema kuwa vita siku zote vinaishia kwenye kushindwa na kwamba ni watengenezaji wa silaha pekee ndio wanaofaidika na vita. Kiongozi wa Wakatoliki duniani amesema anawaombea watu walioathirika na vita vya sasa.
Papa Francis pia amesisitiza ombi lake la kusimamisha vita nchini Ukraine na jinai na mashambulizi yanayoendelea kufanywa na utawala wa Kizayuni wa Israel katika Ukanda wa Gaza na kutilia mkazo udharura wa kuendelezwa juhudi za kusimamisha vita hivyo.
Ni vyema kukumbusha hapa kuwa, haki za watu madhulumu wa Palestina zimekuwa zikikandamizwa na utawala wa Kizayuni wa Israel kwa zaidi ya miaka sabini na katika kipindi hicho chote viongozi wa utawala huo wamefanya jinai nyingi na uhalifu wa kivita na dhidi ya binadamu.
