Falme za Kiarabu imesema inafuatilia kwa karibu kesi ya mwanzilishi wa programu ya kutuma ujumbe wa Telegram na Mkurugenzi Mtendaji Pavel Durov – ambaye ni raia wa Imarati kufuatia kukamatwa kwake na kurefushwa kwa kizuizi chake cha kwanza na mamlaka nchini Ufaransa.
Durov mzaliwa wa Urusi, 39, alizuiliwa Jumamosi katika Uwanja wa Ndege wa Paris-Le Bourget nchini Ufaransa kulingana na uchunguzi wa kimahakama uliofunguliwa mwezi uliopita ukihusisha madai 12 ya ukiukaji wa uhalifu unaohusisha programu yake maarufu ya Telegram, ofisi ya mwendesha mashtaka wa Paris ilisema.
Wizara ya Mambo ya Nje ya UAE ilisema katika taarifa mapema Jumanne kwamba “inafuatilia kwa karibu” kesi ya Durov na kwamba “imewasilisha ombi kwa serikali ya Ufaransa kumpa huduma zote za kibalozi haraka”.
“Kujali raia, kuhifadhi maslahi yao, kufuatilia mambo yao, na kuwapa matunzo yote ni kipaumbele cha juu kwa UAE,” wizara hiyo ilisema katika taarifa hiyo.
Ingawa alizaliwa nchini Urusi, Durov alitumia muda mwingi wa utoto wake nchini Italia na ni raia wa UAE, Ufaransa, Urusi, na taifa la kisiwa cha Karibea la St Kitts na Nevis.
