Kocha wa Barcelona Xavi alitangaza Ijumaa kuwa mkataba wake wa kuongezwa na mabingwa hao wa Uhispania umethibitishwa na utafanywa rasmi hivi karibuni.
Kiungo huyo wa zamani wa Barca, ambaye alichukua nafasi ya ukocha 2021, ataongeza mkataba wake kwa msimu mmoja hadi 2025.
Kocha wa Barcelona Xavi alitangaza Ijumaa kuwa mkataba wake wa kuongezwa na mabingwa hao wa Uhispania umethibitishwa na utafanywa rasmi hivi karibuni.
Kiungo huyo wa zamani wa Barca, ambaye alichukua nafasi ya ukocha 2021, ataongeza mkataba wake kwa msimu mmoja hadi 2025.
Xavi aliiongoza klabu hiyo kutwaa taji lake la kwanza la La Liga tangu 2019 na Spanish Super Cup msimu uliopita.
“Tulifika katika wakati mgumu, katika hali mbaya,” Xavi aliambia mkutano na waandishi wa habari kabla ya mchezo wa Jumamosi dhidi ya Celta Vigo.
“Mwaka jana, tulishinda mataji mawili muhimu. Tuko katika mchakato wa mpito.”
Xavi alisema Barca walikuwa wametoka kufikia “mechi zao mbili bora zaidi” tangu achukue usukani, kwa kushinda 5-0 dhidi ya Real Betis katika La Liga na Royal Antwerp katika hatua ya makundi ya Ligi ya Mabingwa.
Xavi alichukua mikoba ya Ronald Koeman, miaka miwili baada ya kustaafu kama mchezaji, kwa mkataba hadi Juni 2024.
Barcelona kwa sasa iko nafasi ya pili kwenye msimamo wa La Liga, pointi mbili nyuma ya Real Madrid.
