Club ya Man United imeweka wazi kuwa haitoendelea tena na winga Antonio Valencia baada ya mwisho wa msimu, hiyo ni baada ya Valencia kudumu na Man United kwa takribani miaka 10 licha ya club hiyo kubadilisha makocha hapo kati kati lakini Valencia kila kocha alikuwa anambakiza kikosini.
Valencia raia wa Ecuador mwenye uwezo wa kucheza nafasi ya beki wa kulia na winga wa kulia, alijiunga na Man United 2009 kama mbadala wa staa wa zamani wa timu hiyo Cristiano Ronaldo aliyeamua kuihama Man United na kujiunga na Real Madrid ya Hispania 2009 kwa uhamisho wa rekodi ya dunia.
Antonio Valencia ambaye anasifika kucheza soka la nguvu, alijiunga na Man United 2009 akitokea club ya Wigan Athletic ambayo alidumu nayo kwa mwaka mmoja tu baada ya kujiunga nayo akitokea Villarreal ya Hispania ila alikuwa na wakati mgumu baada ya kuwa anatolewa kwa mkopo kutokana na kukosa nafasi Villareal, Valencia anaondoka Man United akiwa na umri wa miaka 33.
Mwinyi Zahera alisababisha shabiki wa Yanga abet mke wake
