Hivi karibuni Klabu ya Singida United ilikamilisha usajili wa Ally Mustapha ‘Barthez’ na Mkurugenzi wao Festo Richard Sanga kuthibitisha wamebakiwa na nafasi moja, kocha wao Mholanzi Hans van der Pluijm kamtaja Deus Kaseke.
Kocha wa Singida United ambayo ilisaini mkataba wa udhamini na SportPesa baada ya kupanda Daraja kucheza Ligi Kuu msimu huu, Hans van der Pluijm ameweka wazi kuwa bado kikosi chake kinahitaji kuongezewa nguvu zaidi ambapo macho yake yametua kwa Deus Kaseke wa Yanga SC.
>>>”Kaseke ni mchezaji mzuri na anayejitambua sana. Ni miongoni mwa wachezaji ambao nimekuwa na mahusiano mazuri nao kipindi nikiwa Yanga kutokana na uwezo wake mkubwa uwanjani na nje ya uwanja.
“Kama umewahi kufanyakazi na mchezaji mzuri kama huyo basi ni lazima kila utakapoenda uhitaji kwenda naye na ndio maana anakuja hapa na ninaamini ataisaidia sana timu yetu kutokana na uwezo na uzoefu mkubwa alionao.” – Hans van der Pluijm.
ULIPITWA? Tazama mahojiano ya Mkurugenzi wa SportPesa na Ayo TV baada ya kuingia mkataba wa udhamini na Singida United kwa kuplay video hii hapa chini…
