Alfajiri ya July 28 2016 klabu ya Chelsea ilicheza dhidi ya Liverpool katika mchezo wa International Champions Cup na kuibuka na ushindi wa goli 1-0, baada ya mchezo huo mshambuliaji wa Chelsea ambaye hakucheza mchezo huo Diego Costa ameonekana kama amejiunga na wachezaji wenzake kwa lengo la kuwaaga.
Baada ya mchezo Diego Costa akiwa katika vyumba vya kubadilishia nguo na Ruben Loftus-Cheek, Willian, Cesc Fabregas na Pedro alipiga picha pamoja nao na kuipost katika account yake ya instagram na kuandika “asante sana marafiki zangu wote” kitu ambacho kinatafsirika kama ishara ya kuaga.
Diego Costa ambaye ni mbrazil mwenye uraia wa Hispania ana umri wa miaka 27 na tayari amekuwa akihusishwa na mpango wa kutaka kurudi katika klabu yake ya zamani ya Atletico Madrid ya Hispania ambayo amewahi kuichezea kwa miaka minne.
ALL GOALS: YANGA VS MEDEAMA SC JULY 16 2016, FULL TIME 1-1
