Ligi Kuu England msimu wa 2017/2018 imeendelea leo Jumapili ya August 27 2017 kwa michezo minne kuchezwa, game ya Liverpool dhidi ya Arsenal ilikuwa miongoni mwa game nne zilizochezwa leo, Liverpool waliikaribisha Arsenal katika uwanja wao wa Anfield.
Arsenal leo wamejikuta wakipoteza mchezo wa pili mfululizo wa Ligi Kuu England msimu wa 2017/2018, kwa kuruhusu kufungwa magoli 4-0 na Liverpool, magoli ambayo yalitiwa nyavuni na Robert Firmino dakika ya 17, Sadio Mane dakika ya 40, Mohamed Salah dakika ya 57 na Danny Sturridge dakika ya 77.
Baada ya kupoteza mchezo dhidi ya Leicester wiki iliyopita kwa magoli 4-3, Arsenal sasa ipo katika nafasi ya 16 katika msimamo wa Ligi Kuu England wakati Liverpool wao wakiendeleza ushindi wa pili mfululizo baada ya sare ya 3-3 game yao ya ufunguzi wa EPL dhidi ya Watford.
Matokeo ya mechi nne za EPL zilizochezwa leo August 27 2017 #MillardAyoUPDATES pic.twitter.com/EwXPryUTOf
— AyoTV (@AyoTV) August 27, 2017
Video ya dakika 2 ikionyesha Hat-Trick ya Okwi iliyookoa Milioni 5
