PICHA: Yanga wachukua point tatu na goli tatu dhidi ya Mbao FC leo Oct 30

Mabingwa watetezi wa Ligi Kuu soka Tanzania bara klabu ya Dar es Salaam Young Africans leo October 30 wamerudi dimbani kucheza mchezo wao 12 wa Ligi Kuu soka Tanzania bara msimu wa 2016/2017, Yanga leo wamecheza kocha wao Hans van Pluijm karejea katika benchi baada ya kukubali kufuta mawazo ya kujiuzulu.

Yanga leo wamefanikiwa kuibuka na ushindi wa goli 3-0, magoli ya Yanga yakifungwa na beki wao Vincent Bossou dakika ya 49 na goli la pili kipa wa Mbao FC Emmanuel Mseja alijifunga kwa kushindwa kuzuia mpira wa kurusha wa Mbuyu Twite dakika ya 56, Amissi Tambwe akaendelea kucheka na nyavu kwa kupachika goli la tatu dakika ya 75.

Mbao FC hawakuwa rahisi kupoteza mchezo kama ambavyo unaweza kuhisi ni wepesi kutokana na stahili iliyopandisha Ligi Kuu, waliweza kudhibiti safu ya Yanga isipate goli wala kufanya mashambulizi ya hatari katika kipindi cha kwanza hadi dakika nne baada ya kipindi cha pili amapo Yanga waliongeza mashambulizi yalioleta presha na kuzaa goli.