Luis Manuel Rubiales Béjar, ataacha wadhifa wa rais wa Shirikisho la Kifalme (RFEF) Ijumaa hii baada ya kuanza Mei 17, 2018, akitokea Chama cha Wanasoka wa Uhispania (AFE) baada ya kukabiliwa na hatua za kinidhamu za Fifa kuhusiana na mwenendo wake katika fainali ya Kombe la Dunia la Wanawake huko Sydney Jumapili.
Kituo cha redio cha Uhispania Cadena Ser kiliripoti Alhamisi kwamba Rubiales atapoteza kazi yake baada ya kukabiliwa na ukosoaji mkubwa kwa kumbusu Mhispania Jennifer Hermoso kwenye midomo wakati wa kuwasilisha kombe.
Pia alimnyanyua moja ya mchezaji begani mwake katika kusherehekea ushindi wa 1-0 wa nchi yake dhidi ya Uingereza huku akiwa amesimama karibu na Malkia Letizia wa Uhispania na binti yake, Sofia.
“Kamati ya nidhamu ya Fifa ilimuarifu Luis Rubiales, rais wa FA ya Uhispania leo kwamba inafungua kesi za kinidhamu dhidi yake kulingana na matukio yaliyotokea wakati wa fainali ya Kombe la Dunia la Wanawake la Fifa mnamo tarehe 20 Agosti 2023,” shirikisho la soka duniani lilisema. Alhamisi.
“Matukio hayo yanaweza kujumuisha ukiukaji wa kifungu cha 13 aya ya 1 na 2 ya Kanuni za Nidhamu za Fifa. Kamati ya nidhamu ya Fifa itatoa tu taarifa zaidi juu ya taratibu hizi za kinidhamu mara tu itakapotoa uamuzi wa mwisho kuhusu suala hilo.
