Matukio makubwa ya ajali za ndege ambayo yametokea hivi karibuni na kuingia kwenye headlines ni pamoja na ile ya Malaysia Airlines iliyotokea mwaka 2014 ambayo ilipotea na mpaka sasa haijapatikana, ajali nyingine ni ya TransAsia ambayo ilipata ajali kutokana na hali mbaya ya hewa na kuua watu wote baada ya kuanguka baharini, leo iko taarifa ya ajali ya ndege iliyotokea Ufaransa.
Hii imetokea saa chache zilizopita ambapo ndege ya abiria inayomilikiwa na shirika la ndege la Germanwing Airbus A320 imeanguka katika milima ya Alps nchini Ufaransa.
Ndege hiyo ilikuwa imebeba abiria 144 na wahudumu 6 wa ndege na ilikuwa imetoka mji wa Barcelona, Hispania kuelekea Duesseldorf, Ujerumani
Rais wa Ufaransa Francois Hollande amesema kutokana na ajali ya ndege hiyo ambayo mpaka sasa bado inaendelea kuchunguzwa kuna uwezekano mkubwa watu wengi waliokuwa wakisafiri na ndege hiyo wamefariki.
Nitaendelea kukupatia kila stori inayonifikia mtu wangu, niko tayari kukutumia wakati wowote kupitia Twitter, Instagram na Facebook ukijiunga na mimi kwa kubonyeza>>>twitter Insta Facebook
