Tokyo ni moja kati ya miji maarufu inayofahamika kwa kuwa na huduma ya karibia kila hitaji la mwanadamu duniani, Japan ni nchi inayoongoza kwa kuwa na kila huduma inayokidhi mahitaji ya kimapenzi duniani kitu ambacho kinaweza kukufanya uione Japan kama ni walevi wa mapenzi.
Kutana na Takashai Sakai mwanaume mwenye miaka 41 ambaye hajawahi kukutana na mwanamke kimapenzi toka azaliwe ambapo akiwa katika miaka ya 40 hajawahi kabisa kukutana na mwanamke, kushikana mikono wala kumkumbatia mwanamke yoyote.
Kwenye majibu ya huu utafiti mpya Takashai hayuko peke yake Japan kwani utafiti unaonyesha kwamba moja kati ya wanaume wanne wakijapan kwenye rika la miaka 30 hadi 40 hawajawahi katika maisha yao kuwa kwenye mahusiano ya kimapenzi, kushiriki tendo la ndoa wala kuoa!
Inasemekana baadhi yao wakiwa wameamua kuishi maisha ya namna hio ila kwa wengi waliopo hali hii haikua chaguo lao bali walijikuta tuu hawawezi na wangependa hali hii ibadilike kwani wanatamani kuonja ulimwengu huo sasa. 
Lakini kwa asilimia kubwa ya wanaume wenye hali hii Japan darasa la uchoraji wa watu wakiwa hawajavaa nguo ambalo linaitwa “Nude Art Class” ni suluhisho dogo kwa uhalisia walionao na kwa upande wa pili ni fursa pekee walionayo kumuona mwanamke akiwa mtupu!! Mmoja ya walimu wa vipindi hivyo alisikika kwenye interview fupi akisema haya maneno yafuatayo.
“madarasa kama haya hujaribu kuwasaidia watu kama hawa kuuona uumbaji wa jinsia ya kike kupitia uchoraji, tunafanya hivi kuijenga saikolojia ya Wanaume hawa kuwaona wanawake sio watu wa kuwaogopa na hatimaye kuvunja uwoga wao wa kuingia kwenye mapenzi, hii ndio dhamira yetu”.
Watafiti wamesema ongezeko la Wanaume wenye shida hii limekua likionekana kama kikwazo kwa ukuwaji wa nchi kwasababu idadi ya wanaume hawa inavyo ngezeka, idadi ya uzaaji inapungua na hatimaye kupunguza idadi ya watu kwenye nchi ndio maana inaoneka kama janga kwa moja ya nchi yenye uchumi mkubwa duniani.
Jiunge na mimi kwenye Twitter, Facebook na Instagram kwa kubonyeza hapa >>> Twitter Insta FB na nitakua nikikutumia kila ninachokipata pia usisahau kusubscribe YouTube kwa kubonyeza hapa >>> Videos ili kila video ya AyoTV ikufikie.
