Ikiwa ni siku chache baada ya tukio la uvamizi katika kituo cha Stakishari,Dar es salaam kutokea, bado matukio ya kutumia silaha yameendelea kutokea katika maeneo mbalimbali hapa nchini.
HekaHeka ya leo ni kuhusu tukio lililotokea maeneo ya Mbezi (Mpigi Majohe)…ambapo mama mmoja na mtoto wake wamepigwa risasi na mama huyo kufariki duniani huku mwanaye akijeruhiwa vibaya mgongoni.
Akisimulia tukio hilo mtoto huyo ambaye alikua akiendesha gari huku mama yake akiwa pembeni anasema alipigiwa na mama yake simu akachukue mbuzi Vingunguti na kumtaka ampitie Mbezi madukani ili waende wote nyumbani.
Anasema baada ya kumchukua mama yake wakati wanaelekea nyumbani gafla ilikuja pikipiki ikiwa na watu wawili kisha kuwasimamisha na kumtaka mama yake atoe pochi yake… lakini licha ya kuwapa walimpiga risasi mbili moja mguuni na nyingine tumboni na kupelekea kifo chake na yeye kupigwa risasi ya mgongoni.
Msikilize hapa akisimulia tukio zima jinsi lilivyokuwa…
Nitakutumia stori zote ukibonyeza hapa >>> Twitter Insta FB na nitakua nikikutumia kila ninachokipata pia usisahau kusubscribe YouTube kwa kubonyeza hapa >>>Videos ili kila video ya AyoTV ikufikie.
