Baada ya klabu ya TP Mazembe inayochezewa na washambuliaji wa wawili wa Tanzania Mbwana Samatta na Thomas Ulimwengu kutolewa katika mashindano ya klabu Bingwa Dunia katika hatua ya robo fainali dhidi ya Sanfrecce kwa goli 3-0, December 17 ilikuwa ni zamu ya Mabingwa wa Ulaya FC Barcelona kutupa karata yao katika hatua ya nusu fainali.
Klabu ya FC Barcelona yenyewe ilipata nafasi ya kucheza moja kwa moja nusu fainali, hivyo December 17 iliingia dimbani kupambana na klabu ya Guangzhou Evergrande, Barcelona ambao kwa sasa wanatajwa kuwa na safu bora ya ushambuliaji waliiadhibu klabu ya Guangzhou Evergrande kwa goli 3-0.
Kikosi cha FC Barcelona kilichokuwa na mastaa wake kama Luis Suarez, Iniesta na Dani Alves kilianza kupachika goli dakika ya 39 kupitia kwa Luis Suarez, licha ya kuwa Lionel Messi na Neymar kutocheza katika mchezo wa leo, Luis Suarez alizidi kung’aa na dakika ya 50 akapachika goli la pili baada ya kutumia assist nzuri kutoka kwa Iniesta, Suarez alimaliza kwa kufunga goli la tatu dakika ya 67 kwa mkwaju wa penati.
Video ya moja kati ya magoli ya Luis Suarez
https://youtu.be/H2EUn7cuDSo
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO’ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter, FB, Instagram na YouTUBE wa kubonyezahapa>>>INSTAGRAM TWITTER FB YOUTUBE.
