Bado hali sio nzuri ndani ya klabu ya Man United, haikatishi siku bila mitandao ya kijamii, magazeti na tovuti kujadili juu ya kibarua cha kocha wa sasa wa Man United Louis van Gaal, mengi yameandikwa na kwakuwa Uingereza ndio Ligi inayopendwa na vyombo vya habari vya nchi hiyo vina nguvu, basi usishangae kuona nakuletea stori nyingine kutoka Man United.
December 24 nahodha wa klabu ya Manchester United Wayne Rooney amefunguka kuhusu wachezaji wenzake wanavyowaza namna ya kupambana na kuokoa kibarua cha kocha wao Louis van Gaal ambaye anatajwa kuwa katika wakati mgumu, na kama timu yake ikifanya vibaya katika mchezo dhidi ya Stoke City ndio atakuwa katika wakati mgumu zaidi.
“Kiukweli kuna watu wengi ambao wanazungumza na kuandika vitu ambavyo havipo au wanaamini vinaweza kutokea, watu wanaandika vitu ambavyo kiukweli hawavijui. Kwa sasa tunajitahidi na tunapambana kubadilisha mambo yalivyo kwa ajili ya kocha wetu, ni muhimu kuungana kwa pamoja” >>> Wayne Rooney
Stori zinazodaiwa zilitoka kwa baadhi ya wachezji wa Man United zilinukuliwa kuwa, wachezaji hawana mahusiano mazuri na kocha Louis van Gaal katika vyumba vya kubadilishia nguo sambamba na wachezaji kukosa mzuka wa kucheza, maneno ambayo kwa mujibu wa kauli ya Rooney, inaashiria kuwa sio kweli ni mambo yanayoandikwa.
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO’ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter, FB, Instagram na YouTUBE wa kubonyezahapa>>>INSTAGRAM TWITTER FB YOUTUBE.
